प्राजु ताईने आपल्या "माझं काय चुकलं... " या कवितेतून एका छोटीचे आपल्या आजीपाशी मांडलेले मनोगत व्यक्त केले आहे. कविता सुंदरच आहे! (कविता वाचण्यासाठी इथे टिचकी मारा). लहान असताना कदाचित प्रत्येकानेच आपल्या आईचा धपाटा खाल्ला असेल. त्या वयात तो धपाटा आपण का खाल्ला हे आपल्याला कळतही नसते, आणि म्हणूनच की काय ति छोटी आपल्या आजीला विचारते "माझं काय चुकलं..?" छोटीच्या ह्या प्रश्नाला प्रतिसाद म्हणून मला उत्स्फुर्तपणे सुचलेली आजीची प्रतिक्रिया किंवा आजीने छोटीची काढलेली समजूत खालच्या कवितेत (बडबड गीतात?) देत आहे.
*************************************
राणी मा़झी छोटुली तू, आहेस उचापती
हसू येते मला, पाहून तुझ्या करामती
ललू नको बघ तुझे नाक झाले लाल
हस बघू, फुगवू नको गोबले गोबले गाल
हसलीस की तुला देईन गोड गोड खाऊ
संध्याकाळी फिरायला आपण दोघीच जाऊ
फुगे घेऊ, बाग पाहू, करू मस्तं धमाल
बाबांसाठी घेऊन येऊ एक पांधला रुमाल
हसण्या रुसण्यातही अगं गंमत असते थोडी
*************************************
-अनामिक
2 comments:
sahi!!!
छान आहे ही कविता आम्हाला कधीतरी कामाला येईल....
Post a Comment